Mangko ado bilangan pulo
anau bapangkek turun
manurunkan niro jo ijuaknyo
pulai bapangkek naiak
maningga kan rueh jo buku…

Manusia bapangkek turun
mangingek kan adat jo pusakanyo…

Dari pangkek nan ketek
sampai pangkek ka nan tuo
maikuik lah bilangan
suku nan duo baleh…

Ado pun bilangan nan dipakai
bilangan nan turun dari pagaruyuang
sarambi makkah alam minangkabau…

Tanah Banamo
salilik pulau paco
salembang tanah melayu…

Sabingkah tanah tabaliak
sahalai aka nan putuih
sabatang kayu nan rabah…

Siapo nan punyo bilangan
Maharajo Dirajo turun manurun ka Datuak parpatih nan sabatang, dari niniak turun ka mamak dari mamak turun ka kito sekarang kito samo mamakaian…

Turun di gunuang marapi
tampek si alang ba antak basi
tampek pamatang manantu kan taruko an…

Basuo jalan ba timba baliak
mangko turunlah maharajo dirajo,
nan turun ka pariangan padang panjang…

Adat-adat…Usul-usul,

Langik salebar payuang
itu bilangan dek nan tuo,
bumi salebar talam
mangaji dari alif
babilang daripado aso
itu ingatan ka nan ketek…

Apo nan di kaba an ka nan ketek,
manitahkan wakatu nan limo…

Duo hari nan tujuah
ampek tahun nan duo baleh
tigo bulan nan salapan
apo kah bilangan nan tuo-tuo…

Alam nan ba Rajo
luak bapanghulu
suku dek nan tuo
anak buah ba pamimipin…

Urang sumando batampek sumando
gala basandaran…

Parahu ba tampek an
dagang batapatan
tampek sasok bajarami
batunggua panabangan…

Bapandan pakuburan
handak mandirikan Istano pariangan
padang panjang…

Nan jauah bapasanan
nan dakek baimbauan
nan jauah alah datang
nan dakek alah tibo…

Mangko batitah lah maharajo Dirajo,
kepado masyarakat pariangan padang
panjang…

Tapuang tawa dibuek
aka di gateh
tanah digali…

Tapuang tawa dibuek di adam kan
aka di cari rotan buliah…

Kayu di tokak di tandehan
tanah digali di timbunan…

Istano banamo tiang tareh indak pernah usang,
batabua puluik-puluik
ba gandang sili guri…

Istano sudah
tukang di bina,
tukang nan indak monduoi hati…

Disitu pusako minang badirinyo,
tampek kebesaran Rajo-Rajo…

24/10/2021
Kumpulan org Terbuang…